Një aksident tragjik ka ndodhur pasditen e sotme në Muzinë, në aksin Sarandë-Gjirokastër. Një mjet tip “Land Rover” ka përplasur një furgon me pasagjerë. Ky i fundit ka dalë nga rruga dhe ka rënë në greminë.
Për pasojë kanë humbur jetën 5 personat që ndodheshin në mjet ( 2 gra dhe 3 burra) përfshirë edhe shoferin.
Në videon më poshtë shihet momenti kur nxirren trupat e pajetë nga furgoni.
Njoftimi i policisë:
Gjirokastër/Informacion paraprak.
Njoftohemi se rreth orës 15:30, në rugën nacionale Gjirokastër-Sarandë, në vendin e quajtur Muzinë, mjeti tip “Land Rover” me drejtuese shtetasen R. Ç. është përplasur me mjetin tip furgon me drejtues shtetasin B. P.
Si pasojë e përplasjes mjeti tip furgon ka dal nga rruga dhe ka përfunduar disa metra poshtë rrugës.
Për pasojë kanë humbur jetën 5 shtetas, të cilët ndodheshin në mjetin tip furgon.
Në vendngjarje ndodhet grupi hetimor dhe po punon për zbardhjen e shkaqeve të aksidentit./albeu.com
