Një aksident i rëndë ka ndodhur mbrëmjen e sotme në aksin rrugor Lezhë-Shkodër pranë kryqëzimit të Dajçit. Kamioni është përplasur me një motor duke shkaktuar dhe vdekjen e drejtuesit të motoçikletës.
Në vendin e ngjarjes ka mbërritur menjëherë ambulanca, të cilët e kanë transportuar shoferin e motorit drejt spitalit për ndihmë mjekësore, por si pasojë e plagëve të marra ai nuk ka mundur të mbijetojë.
Njoftimi i Policisë:
Rreth orës 20:50, në aksin rrugor Lezhë – Mabe, në zonën e Dajçit, një automjet tip “Kamion”, i drejtuar nga shtetasi 28 vjeç, është përplasur me një motomjet me drejtues shtetasin, 51 vjeç.
Si pasojë e aksidentit, drejtuesi i motomjetit ka ndërruar jetë në spital.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
Ndërsa drejtuesi i kamionit është shoqëruar në Komisariat për veprime të mëtejshme procedurale.
