Një këmbësore 67-vjeçare ka humbur jetën pasditen e sotme në Shkodër, pasi u godit nga një automjet që doli nga rruga.
Aksidenti ndodhi rreth orës 15:40, në zonën e njohur si “Ura e Bahçallëkut”. Sipas të dhënave paraprake të policisë, në timon ishte një 27-vjeçare, e cila dyshohet se humbi kontrollin e automjetit.
Të lidhura
None found
Makina doli nga rruga, u përplas me shkallët metalike të një ndërtese dhe goditi E. B., e cila po ecte në trotuar. E moshuara ndërroi jetë nga plagët e marra.
Hetuesit janë në vendngjarje për të sqaruar rrethanat dhe për të përcaktuar shkakun e humbjes së kontrollit të automjetit.
