Që nga ora 02:00 e mëngjesit, një numër i konsiderueshëm udhëtarësh nga Kosova ka ngecur në pikëkalimin kufitar Bajakovë–Lipovac, midis Kroacisë dhe Serbisë, pa mundur të lëvizin më tej.
Një bashkëvendëse që ndodhet në vendkalimin Bajakovë–Lipovac ka komunikuar për Klankosova.tv se gjendja ka pësuar përmirësim të pjesshëm.
Të lidhura
None found
Ajo bën me dije se rojet e kufirit kanë filluar të hapin rrugën e veturave private, kurse autobusët vazhdojnë të qëndrojnë të bllokuar.
Deri në këto momente, sipas saj, vetëm shtatë autobusë kanë marrë dritën jeshile për të kaluar, ndërsa pjesa tjetër janë duke pritur në rradhë.
Udhëtarja nënvizoi se koha e qëndrimit mbetet e zgjatur dhe se pritja ka nisur rreth mesnatës.
