Anëtarët e Parlamentit Studentor të Universitetit të Prishtinës “Hasan Prishtina” kanë dalë në marsh protestues në shenjë kundërshtimi ndaj aktgjykimit të Dhomave të Specializuara të Kosovës në Hagë për Hashim Thaçin, Kadri Veselin, Jakup Krasniqin dhe Rexhep Selimin.
Të lidhura
None found
Protesta ka nisur në Qendrën e Studentëve në Prishtinë, ndërsa pjesëmarrësit pritet të marshojnë deri në sheshin “Skënderbeu”.
Sipas organizatorëve, qëllimi i këtij aktiviteti është shprehja e solidaritetit me ish-krerët e UÇK-së dhe kërkimi i mbështetjes deri në përmbylljen e procesit gjyqësor.
Studentët kanë bërë të ditur se gjatë aktivitetit do të prezantojnë edhe një memorandum me gjashtë pika. Në të parashikohen kërkesa për përkrahje financiare, politike dhe morale, si dhe për monitorim ndërkombëtar të procesit gjyqësor.
Marshi zhvillohet pas pesë netësh protestash të mbajtura në Prishtinë kundër aktgjykimit. Gjatë ditëve të fundit, protesta janë organizuar edhe nga kategoritë e dala nga lufta, ndërsa në diasporë janë zhvilluar tubime në mbështetje të ish-krerëve të UÇK-së.
