Studentët e Universitetit të Prishtinës kanë dalë sot në protestë për të kundërshtuar vendimin e Gjykatës Speciale në Hagë ndaj ish-krerëve të Ushtrisë Çlirimtare të Kosovës.
Të lidhura
None found
Në tubim është parë edhe Lir Veseli, djali i Kadri Veselit, i cili është njëri prej ish-krerëve të UÇK-së që po përballet me proces gjyqësor në Hagë.
Edhe në protestat që zhvillohen çdo mbrëmje në Sheshin “Skënderbeu” në Prishtinë, Lir Veseli është parë bashkë me vëllezërit dhe motrën e tij. Protestat zhvillohen nën moton “Jo në emrin tim”.
Me këtë qëndrim, fëmijët e Kadri Veselit janë rreshtuar krahas qytetarëve që kundërshtojnë vendimin e Gjykatës Speciale dhe kërkojnë drejtësi për ish-krerët e UÇK-së.
Tubimet me moton “Jo në emrin tim” po mbahen prej disa netësh dhe në to po marrin pjesë qytetarë, veteranë, studentë, artistë dhe figura të ndryshme publike.
