Dy javë pas fillimit të Presidencës irlandeze të Këshillit të Bashkimit Evropian, kryeministri në detyrë Albin Kurti zhvilloi një takim me Ragnar Almqvist, ambasadorin jo-rezident të Irlandës për Kosovën.
Të lidhura
None found
Në një njoftim publik, Kurti e përshkroi Irlandën si një vend mik dhe një partner thelbësor për Kosovën, duke shprehur mirënjohje për përkrahjen e vazhdueshme dhe angazhimin e saj brenda misioneve të KFOR-it dhe EULEX-it.
Gjatë bashkëbisedimit, ai theksoi se marrja e statusit të vendit kandidat dhe çelja e negociatave për anëtarësim në BE përbëjnë një njohje të merituar të reformave dhe avancimit që ka arritur Kosova.
Kurti nënvizoi po ashtu se Kosova është demokracia më e përparuar në rajon, ka shënuar mesataren më të lartë të rritjes ekonomike dhe, përveç mbështetjes së gjerë qytetare për integrimin evropian, është tërësisht e harmonizuar me politikën e jashtme dhe të sigurisë të Bashkimit Evropian.
