Ish-ushtaraku Hysen Gecaj ka folur për rëndësinë e vizitës në zonën veriore kufitare mes Kosovës dhe Serbisë, ku morën pjesë admirali amerikan George Wikoff, komandanti i ri i KFOR-it, gjeneralmajori Roberto Vergori, si dhe drejtori i përgjithshëm i Policisë së Kosovës, Gazmend Hoxha.
Të lidhura
None found
Gecaj e cilësoi vizitën me rëndësi për çështjet e sigurisë në Kosovë dhe theksoi domosdoshmërinë e bashkërendimit më të mirë mes institucioneve vendore dhe strukturave ndërkombëtare të sigurisë.
“Kjo vizitë është shumë e rëndësishme për sa i përket agjendave të sigurisë në Kosovë. Vitet e fundit, ne e dimë se kemi pasur problem në kuptimin politik të një koordinimi mes institucioneve tona të sigurisë me institucionet ndërkombëtare të sigurisë”, u shpreh Gecaj.
Sipas tij, vizita vë në pah nevojën që Kosova të përmirësojë koordinimin për mbrojtjen e kufijve, veçanërisht atij me Serbinë, e cila, siç tha ai, “përherë ka shfaq agresivitet dhe ende nuk ka heq dorë nga kjo”.
