Drejtori i Përgjithshëm i Shërbimit Korrektues të Kosovës, Ismail Dibrani, zhvilloi një takim me përfaqësuesit e Zyrës së Këshillit të Evropës në Prishtinë, të kryesuar nga shefja e saj, Mary Ann Hennessey.
Të lidhura
None found
Gjatë bisedës u trajtua bashkëpunimi i përbashkët dhe përparimi i sistemit korrektues në Kosovë.
Dibrani deklaroi se ky bashkëpunim, i zhvilluar ndër vite, ka ndihmuar në rritjen e aftësive profesionale, në proceset e rehabilitimit dhe riintegrimit, si dhe në përmirësimin e zbatimit të të drejtave të njeriut.
“Takime të tilla janë të rëndësishme për të vlerësuar progresin e arritur dhe për të përcaktuar hapat e ardhshëm drejt standardeve më të larta evropiane”, u shpreh ai.
Kreu i Shërbimit Korrektues falënderoi Këshillin e Evropës për mbështetjen dhe ekspertizën e ofruar në mënyrë të vazhdueshme.
“Vazhdojmë me përkushtim drejt një sistemi korrektues modern, profesional dhe të bazuar në dinjitetin njerëzor”, deklaroi Dibrani.
