E keni menduar ndonjëherë? Arsyet pse vaskat janë shumë të vogla për të shtrirë këmbët

Mendimi për t’u çlodhur në një banjë të nxehtë tëbukur në mbrëmje, ka bërë që shumë njerëz t’i tejkalojnë ditët e tyre më të vështira.

Në fakt, efekti relaksues i bërjes së një banje u aprovua nga pjesëmarrësit e një eksperimenti, të cilët raportuan një rënie të ndjeshme të stresit dhe lodhjes. Por a mund të ishte efekti edhe më mbresëlënës nëse vaskat do të ishin aq të mëdha sa të mund të shtrinim këmbët?

Bright Side shkruan se ishin kuriozë se pse të gjithë jemi të privuar nga mundësia për t’u çlodhur plotësisht në vaskat tona dhe gjetëm 6 arsye për këtë.

Vaskat e para datojnë që nga kohërat antike: qytetarët e Romës Antike huazuan zakonin e larjes nga Greqia në fund të shekullit III

Vaskat në një formë që është më e njohur për ne u prezantuan në mesin e shekullit të 18-të në Holandë dhe u përhapën në mënyrë aktive pas shfaqjes së tyre në Angli më 1828.

Këto vaska kryesisht ishin prej gize dhe smalti prej porcelani. Prodhimi i vaskave më të mëdha jo vetëm që do të rriste ndjeshëm koston, por gjithashtu do ta bënte jashtëzakonisht të vështirë instalimin e tyre diku më lart se kati i parë i ndërtesave me nivelin ekzistues të zhvillimit teknologjik.

Banja është vendi më i rrezikshëm në shtëpinë tuaj. Ndërsa nuk është e vështirë që të bini në gjumë dhe të rrëshqitni nën ujë në një vaskë pa e vërejtur dhe rreziku i të fikëtit dhe mbytjes është padyshim aty.

Kur laheni, uji i nxehtë bëhet një barrë për zemrën tuaj, e cila mund të çojë në një të ashtuquajtur sindromë “vaskë të nxehtë”. Në këtë rast, është më mirë të mos të zhytesh nën ujë.

Banjat priren të jenë mjaft të vogla, prandaj është e rëndësishme të përdorni këtë hapësirë në mënyrë efikase. Madhësitë e vaskave ndryshojnë në të gjithë botën, por vaskat standarde – sidomos në ndërtesat e vjetra, janë 152 cm të gjata, 81 cm të gjera dhe 46 cm të thella. Kjo mjafton vetëm që një i rritur mesatar të ulet drejt dhe t’i zhytë këmbët në ujë, gjë që plotëson kërkesat minimale.

Ka pak investim në bërjen e vaskave më të mëdha kur ndërtohet ndonjë objekt banimi sepse shumica e njerëzve thjesht preferojnë të bëjnë dush kabina. Dushet në këmbë janë më të mira për pastrimin e trupit sepse uji shpërndahet në mënyrë të barabartë në të gjithë trupin tuaj.

Ne gjithashtu duhet të marrim parasysh koston e ujit shtesë dhe energjisë elektrike të nevojshme për mbushjen e një vaskë më të madhe me ujë të nxehtë.

Fakti që bërja e dushit është më e mirë për mjedisin, u kuptua shumë kohë më parë, kështu që krijimi i vaskave më të mëdha nuk ka shumë kuptim. Për më tepër, shumë njerëz preferojnë të bëjnë dushe për shkak të ritmit të tyre më të shpejtë të jetës: thjesht kërkon më pak kohë.

Shtuar 20.05.2021 15:13