Disa prej platformave kryesore të inteligjencës artificiale në botë, mes tyre ChatGPT i OpenAI-së, Claude i Anthropic dhe Grok i xAI-së, janë përballur me ndërprerje të përkohshme të shërbimit.
Të lidhura
None found
Sipas platformës së monitorimit Downdetector, përdoruesit nisën të sinjalizonin probleme me OpenAI-në nga ora 16:56, sipas orës së Shqipërisë.
Raportime për vështirësi pati gjithashtu për Claude dhe Grok, ndërsa probleme u evidentuan edhe në Gemini të Google.
Downdetector bëri të ditur se edhe Cloudflare u prek nga probleme, të cilat filluan të raportoheshin në orën 17:12 me orën e Shqipërisë.
Ende nuk është përcaktuar qartë se çfarë i shkaktoi këto ndërprerje.
Ndërkohë, faqja zyrtare e statusit të OpenAI-së tregon aktualisht se të gjitha sistemet e kompanisë funksionojnë normalisht.
