Ambasadori i Bashkimit Evropian në Kosovë, Dirk Schuebel, u takua për herë të parë me shefat e misioneve të vendeve anëtare të BE-së në Kosovë.
Të lidhura
None found
Sipas njoftimit të Zyrës së BE-së në Kosovë, bisedimet u përqendruan te gjendja politike dhe zhvillimet e fundit në vend.
Një tjetër temë e diskutimit ishte përafrimi i plotë dhe vullnetar i Kosovës me Politikën e Përbashkët për Punë të Jashtme dhe Siguri të Bashkimit Evropian.
“Pavarësisht sfidave, ndjeva mbështetje të palëkundur për integrimin e Kosovës në BE dhe për të punuar me të gjithë në Kosovë drejt këtij rrugëtimi”, deklaroi Schuebel.
Zyra e BE-së bëri të ditur se takimi mundësoi shkëmbimin e pikëpamjeve lidhur me zhvillimet aktuale politike në Kosovë.
