Trafiku ajror mbi Shqipërinë është pezulluar përkohësisht për shkak të një problemi teknik të dyshuar në sistemin e radarëve të Albcontrol, duke penguar monitorimin normal të fluturimeve.
Si masë sigurie, për disa minuta nuk është autorizuar asnjë lëvizje ajrore në hapësirën shqiptare. Avionët nuk janë lejuar as të ngrihen dhe as të ulen, deri në rikthimin e plotë të funksionimit të sistemeve.
Të lidhura
None found
Defekti mund të shkaktojë vonesa në nisjet dhe uljet në aeroportin e Rinasit, pritje për avionët që ndodhen në fluturim, ndryshime të orareve dhe, nëse ndërprerja zgjat, edhe devijime të përkohshme të itinerareve.
Ndërkohë, po punohet për riparimin e problemit, normalizimin e sistemit dhe rifillimin e trafikut ajror.
Pezullimi është vendosur për të garantuar sigurinë e navigimit dhe ruajtjen e distancave mes avionëve, derisa sistemi i monitorimit të rikthehet në gjendje normale.
