Disa zona të Tiranës kanë mbetur përkohësisht pa ujë si pasojë e një defekti të rëndë në rrjetin kryesor të furnizimit.
Ndërmarrja e Ujësjellës-Kanalizimeve të Tiranës njoftoi se avaria është evidentuar në tubacionin prej çeliku DN 1100 mm, i cili dërgon ujë drejt depove perëndimore të kryeqytetit.
Të lidhura
None found
Problemi ka prekur furnizimin në Selitë, Kodrën e Diellit, Astir, Yzberisht, Pallatet Çabej, Kodër Kamëz dhe Fushën Misto Mame.
Grupet teknike të Ujësjellës-Kanalizimeve janë dërguar në terren dhe po punojnë për eliminimin e defektit, me synim rikthimin e furnizimit me ujë.
Ndërhyrja vazhdon, ndërsa ende nuk është njoftuar një orar i saktë për normalizimin e situatës.
