Shqiptarët përbëjnë 56,31 për qind të nxënësve që ndjekin shkollat fillore në Komunën e Butelit, sipas statistikave të Entit Shtetëror për Statistikë.
Të lidhura
None found
Faruk Nevzati bëri të ditur se gjatë vitit shkollor 2024/2025, në këto shkolla janë regjistruar gjithsej 5.276 nxënës. Prej tyre, 2.971 janë shqiptarë.
Me këtë numër, komuniteti shqiptar renditet qartë i pari për nga numri i nxënësve në shkollat fillore të Komunës së Butelit, ndërsa në shumë komuna të tjera vihet re rënie e numrit të nxënësve.
Nevzati theksoi se shifrat përbëjnë një dëshmi të rëndësishme të ndryshimeve që kanë ndodhur në përbërjen demografike të kësaj komune.
