Bilanci i shembjes së një miniere të paligjshme ari në jugperëndim të Kolumbisë ka shkuar në 13 të vdekur dhe shtatë të plagosur.
Incidenti u regjistrua të martën në mbrëmje, ndërsa ekipet e kërkim-shpëtimit po përballen me vështirësi për shkak të terrenit të paqëndrueshëm.
Të lidhura
None found
Freddy Gamez, zyrtar i qeverisë së rajonit Nariño, deklaroi për mediat lokale se lëvizjet brenda minierës çuan në shembjen e një argjinature mbi punëtorët.
Një burim qeveritar rajonal bëri të ditur se dheu u zhvendos dhe ra mbi minatorët pas një shpërthimi të ndodhur në brendësi të minierës.
Pamjet e publikuara në rrjetet sociale paraqesin ekskavatorë që punojnë në një zonë me pjerrësi të madhe, ndërsa ekipet e emergjencës vijojnë përpjekjet për të stabilizuar situatën dhe për të vazhduar kërkimet.
Aksidentet në miniera janë të zakonshme në Kolumbi, sidomos në aktivitetet e paligjshme, ku masat e sigurisë dhe kontrollet e nevojshme shpesh mungojnë.
Një prej faktorëve kryesorë që lidhet me shpërthimet në minierat kolumbiane është akumulimi i gazit.
