Në territorin e Bashkisë Finiq vijon operacioni i Forcave të Mbrojtjes Civile kundër zjarrit, ndërsa strukturat operacionale po e mbajnë situatën në monitorim të vazhdueshëm.
Për izolimin dhe shuarjen e vatrave janë mobilizuar ekipet zjarrfikëse të Delvinës, Finiqit dhe Konispolit, të mbështetura nga rreth 50 vullnetarë dhe 40 efektivë të Forcave të Armatosura.
Të lidhura
None found
Operacioni nga toka po përforcohet edhe me ndërhyrje ajrore. Forcat e Armatosura kanë vënë në dispozicion tre helikopterë, dy Cougar dhe një Black Hawk, të cilët po veprojnë për të penguar zgjerimin e flakëve.
Të gjitha strukturat e angazhuara po bashkërendojnë veprimet në terren, me synimin për ta vendosur zjarrin nën kontroll dhe për të parandaluar përhapjen e tij të mëtejshme.
