Paraditen e kësaj të enjteje rreth orës 11:30, një 75-vjeçar ka humbur jetën në plazhin e Orikumit, ndërsa dyshimet paraprake janë se ai pësoi infarkt.
I moshuari ndodhej me pushime së bashku me familjen. Rreth orës 11:30, menjëherë pasi kishte hyrë në det, ai është ndier keq dhe është drejtuar për në breg, ku më pas ka humbur ndjenjat.
Të lidhura
None found
Familjarët dhe pushuesit e pranishëm e kanë nxjerrë menjëherë në breg dhe kanë kërkuar ndihmë.
Ambulanca e Orikumit ka mbërritur në vendngjarje, ku personeli shëndetësor ka kryer manovrat e reagimit, por nuk ka mundur ta rikthejë në jetë 75-vjeçarin.
Dyshohet paraprakisht se vdekja është shkaktuar nga një infarkt kardiak. Autoritetet përkatëse pritet të konfirmojnë rrethanat e plota të ngjarjes.
