Pas një ndërprerjeje të shkurtër, seanca parlamentare ka rifilluar, por opozita vijon të mbajë të zënë foltoren, duke penguar Avokatin e Popullit të prezantojë raportin e tij.
Gjatë fjalës së tij, Niko Peleshi u shpreh se Avokati i Popullit është një prej institucioneve që Kushtetuta e detyron të raportojë në parlament. Ai i bëri thirrje opozitës të mos bëhet shkak për bllokimin e këtij detyrimi kushtetues. “Imponohuni përmes ligjit, jo me forcë. Nëse jashtë sallës nuk e njihni, këtu respektoni rregulloren,” theksoi ai. Peleshi shtoi se qëllimi i pranisë në Kuvend është përplasja e ideve, jo konfrontimi fizik, dhe se diskutimet duhet të përqendrohen tek raporti. Ai paralajmëroi se nuk do të lejojë imponimin e rendit të ditës për sa kohë që ai drejton seancën. “Unë nuk jam edukatore,” përfundoi ai.
Të lidhura
None found
