Qytetarët iranianë janë thirrur nga Ministria e Energjisë të pakësojnë përdorimin e energjisë elektrike, ndërsa sistemi energjetik i vendit ndodhet nën presion të konsiderueshëm pas goditjeve amerikane ndaj infrastrukturës energjetike në jug të Iranit.
Të lidhura
None found
Përmes një njoftimi zyrtar, ministria u bëri apel banorëve që të mos përdorin kondicionerët në oraret e ngarkesës maksimale. Sipas saj, kjo masë synon të sigurojë furnizim të qëndrueshëm me energji në provincat jugore, të goditura nga temperaturat ekstreme dhe dëmtimet në termocentrale.
Autoritetet e Iranit theksuan se kursimi i energjisë është i nevojshëm për të parandaluar ndërprerjet dhe për të mbajtur të qëndrueshëm rrjetin elektrik në zonat që janë prekur më rëndë.
