Ashtu siç pritej është publikuar sot bashkëpunimi i Elvana Gjatës me këngëtaren rumune, Inna, dhe Sickotoy. Kënga mban titullin “Papa” dhe është tipike verore. Plot ngjyra dhe shumë ritmike, kësaj kënge është vështirë t’i rezistosh pa kërcyer e jemi të sigurtë se do na shoqërojë gjatë udhëtimeve, në plazhe e festa. Teksti është në gjuhën angleze dhe është shkruar nga Elvana Gjata në bashkëpunim me Iraida, e së bashku me Sickotoy dhe Inna-n kanë krijuar edhe vijën melodike.
Klipi është po ashtu veror, e artistet shfaqen pranë një pishine, shumë seksi dhe në super formë. Vlen të theksohet se Inna është autore e shumë hiteve si “Amazing”, “Sun is up”, “Deja Vu” etj., që numërojnë disa qindra miliona klikime dhe shpresojmë që kështu të ndodhë edhe me “Papa”.
Të lidhura
None found
Kujtojmë se Elvana publikoi bashkëpunimin e parë me Yll Limanin të javën e kaluar, duke i surprizuan të gjithë pasi sollën jo një, por dy këngë, që tejkaluan çdo pritshmëri. Në titujt “E di” dhe “Marre” Elvana dhe Ylli ia dolën të godisnin në shenjë e të konkurrojnë për titullin “Hiti i verës” teksa brenda 5 ditësh projekti i tyre ka arritur mbi 3 milionë klikime.
Ndërkohë, ky vit po konsiderohet si viti i Elvana Gjatës. Kujtojmë se më 16 prill, Elvana u rikthye me “Çelu”, një mini-albumin që përmban 7 këngë, i cili ka marrë pëlqimet e padiskutueshme të publikut. “Çelu” synon që të çelë shpirtin e vetë këngëtares fillmisht, por edhe të të gjithë shqiptarëve që kohët e fundit kanë përjetuar një situatë aspak të lehtë. Jemi të bindur se deri në fund të 2021 do na serviren surpriza edhe më të bukura nga artistja.
