Gjatë një operacioni antidrogë të kryer nga task forca federale në Memphis, një person u vra, duke e çuar në dy numrin e vdekjeve brenda katër ditëve dhe në katër totalin e rasteve fatale të lidhura me këtë njësi që prej krijimit të saj në shtator 2025.
Të lidhura
None found
Sipas NBC News, në këtë ndërhyrje mori pjesë Shërbimi i Marshallëve të Shteteve të Bashkuara. Aksioni u zhvillua të mërkurën, teksa po zbatohej një urdhër kontrolli në një dhomë hoteli në kuadër të një hetimi për trafik droge.
Brady McCarron, zëdhënës i Shërbimit të Marshallëve, deklaroi se agjentët u detyruan të hynin me forcë pasi i dyshuari nuk pranoi të hapte derën.
Në reagimin e tyre të parë, autoritetet federale thanë se i dyshuari u qëllua pasi kishte drejtuar armën drejt agjentëve të task forcës. Ndërkohë, Byroja e Hetimit e Tennessee (TBI), që po merret me hetimin e ngjarjes, paraqiti një version më të kujdesshëm, duke nënvizuar se “për arsye që ende po hetohen, situata u përshkallëzua”, gjë që solli të shtënat nga një agjent i Administratës për Zbatimin e Ligjit për Drogën (DEA), të cilat rezultuan fatale për të dyshuarin.
Task Forca e Sigurisë në Memphis u ngrit nga administrata e presidentit Donald Trump si pjesë e një nisme për të shtuar praninë e forcave federale dhe të Gardës Kombëtare në disa qytete amerikane me shkallë të lartë kriminaliteti. Në Memphis, Garda Kombëtare ka mbështetur operacionet e kësaj strukture që nga vjeshta e vitit të kaluar.
