Presidenti i SHBA-së, Donald Trump, ka forcuar tonet kritike ndaj NATO-s, me sulme të drejtpërdrejta sidomos ndaj Spanjës, teksa u shpreh i pakënaqur me aleancën dhe kërkoi që të ndërpriten marrëdhëniet tregtare me Madridin.
Të lidhura
None found
Në një deklaratë të tij, Trump vuri në shënjestër Spanjën për atë që e përshkroi si mungesë angazhimi në NATO, duke e cilësuar vendin si “një partner të tmerrshëm”.
“Spanja është një partner i tmerrshëm në NATO. Ata nuk marrin pjesë, nuk paguajnë. Nuk dua të kem asnjë lidhje me Spanjën”, deklaroi Trump.
Ai u kërkoi zyrtarëve amerikanë që të marrin në shqyrtim pezullimin e tregtisë dhe të vizitave me Spanjën, duke pretenduar se më pas ky shtet do të kthehej për të kërkuar lidhje më të afërta me SHBA-në.
Trump shtoi gjithashtu se vazhdon të jetë i pakënaqur me NATO-n për qëndrimet e aleatëve në lidhje me tema si Groenlanda dhe Irani, duke nënvizuar se, sipas tij, disa vende nuk kanë dhënë ndihmën e mjaftueshme.
