Gjelbrim Taipi nuk do të vazhdojë te Prishtina, pasi bashkëpunimi mes palëve do të marrë fund me përfundimin e kontratës në fund të qershorit.
Mesfushori 33-vjeçar dhe klubi kryeqytetas kanë vendosur të mos e vijojnë marrëdhënien, duke mbyllur kështu aventurën e tij me bardhekaltrit.
Të lidhura
None found
“Pas një sezoni me fanellën bardhekaltër, Gjelbrim Taipi dhe FC Prishtina kanë vendosur të mbyllin bashkëpunimin me marrëveshje të dyanshme”, thuhet ndër të tjera në njoftimin e klubit të Prishtinës.
Pas këtij zhvillimi, lojtari del i lirë në merkato. Taipi njihet mirë edhe në futbollin shqiptar, pasi më herët ka qenë pjesë e Kukësit dhe Partizanit.
