Personi në foto është Imer Krrashi, 31-vjeçari i cili tentoi t’i shpëtojë ndjekjes së policisë në Tiranë pasi në automjetin e tij kishte një armë zjarri.
Blutë e Tiranës u vunë në ndjekje të të riut i cili gjatë tentativës për arratisje u përplas me nëntë automjete dhe një motor, ku mbetën të plagosur një efektiv policie dhe gruaja e tij.
Sipas raportimeve, 31-vjeçari me disa identitete rezulton me precedent të theksuar kriminal ndërsa jashtë vendit akuzohet për kryerjen e disa vjedhjeve.
Policia e Tiranës ka publikuar edhe pamjet nga momenti kur i riu ndalohet nga patrulla dhe pyetet nëse ka në automjet sende të jashtligjshme.
Në momentin që policia i kërkon të fikë automjetin për të ushtruar një kontroll, i riu i jep gaz makinës dhe largohet. Pas disa minutash ndjekjeje nga “Shqiponjat”, i riu Imer Krrashi arrestohet nga policia.
Imer Krrashi është dënuar në Itali për vjedhje, ndërsa ka qenë edhe pjesë e grupit të Edison Pulës. Edison Pula dhe Imer Krrashi u arrestuan në shkurt të vitit 2022 nga policia italiane.
Pula, 27- vjeç në atë kohë akuzohej për 50 vjedhje në Trentino. Ata ishin protagonistët e shumë ngjarjeve kriminale, por njëra prej të cilave ka bërë më shumë bujë është më 14 nëntor 2021, në Marok të Mogliano Veneto, brenda vilës së biznesmenit Giancarlo Miotto
