Ish-banorja e Big Brother VIP Kosova, Anisa Veseli, ka surprizuar ndjekësit e saj me një ndryshim tërësisht të ri dhe tejet të guximshëm në pamje.
E njohur për stilin e saj unik dhe për flokët e saj të zinj, që për një kohë të gjatë u bënë një prej shenjave dalluese të saj, Anisa ka vendosur t’i lërë pas ngjyrat e errëta dhe të përqafojë një pamje më të ndritshme: flokët bjonde.
Ky transformim i papritur ka krijuar një imazh krejtësisht të ri për Anisën, duke i dhënë një tjetër dimension bukurisë së saj.
Ndonëse ajo ka eksperimentuar më parë me stile dhe ngjyra të ndryshme, kjo herë është pa dyshim ndryshimi më i theksuar dhe më i komentuar deri tani.
Pamjet nga pushimet e saj verore, të publikuara në rrjetet sociale, kanë tërhequr vëmendje të madhe. Anisa shfaqet më rrezatuese se kurrë, ndërsa flokët bjonde i japin një shkëlqim të veçantë dhe e bëjnë të duket sikur ka rilindur në një version të ri të vetes.
