Mëngjesin e kësaj të premteje, bashkëshortja e kryetarit të Bashkisë së Tiranës, Ajola Xoxa, është paraqitur në SPAK, për respektimin e masës së sigurisë dhënë nga Gjykata e Posaçme.
Asaj i është caktuar detyrimi për të shkuar dy herë në SPAK, të premten e parë dhe të tretë të çdo muaji.
Ndërkohë që pak ditë më parë Gjykata e Posaçme e Apelit, vendosi të rrëzojë kërkesën e saj për t’i kthyer sendet e sekuestruara nga SPAK, gjatë kontrollit të 6 dhjetorit 2024 në banesën dhe bizneset e saj, përfshi një aparat telefonik celular si dhe disa dokumente.
