Gazetari Enver Doçi, ka zbuluar detaje të reja në lidhje me ngjarjen e rëndë të ndodhur mëngjesin e sotëm në Burrel.
Efektivi i burgjeve Sinan Kazhani, njihet si person jo problematik në qytet dhe ende nuk dihet arsyeja që e ka çuar drejt aktit të rëndë për t’i dhënë fund jetës.
Ai e ka qëlluar vetën me armën e shërbimit me një plumb në kokë, ndërsa është kërkuar helikopteri për transportimin e tij drejt Traumës.
Helikopteri nuk ka mundur të vijë për shkak të mjegullës, dhe efektivi tashmë po transportohet me automjetin e urgjencës.
Mësohet se në momentin e ngjarjes në banesë ka qenë bashkëshortja e tij dhe fëmija i tyre.
Gjendja e tij është shumë kritike për jetën.
