Mesditën e kësaj të mërkure, një ngjarje e rëndë ka ndodhur në Mirditë. Sipas informacioneve policore, shtetasi me iniciale M.GJ., 56-vjeç, teksa ishte duke prerë dru në fshatin Gjakëz, i bie aksidentalisht një dru në kokë. Për shkak të lëndimeve, 56-vjeçari u dërgua me urgjencë për në spital, por fatkeqësisht humbi jetën rrugës.
“Rreth orës 13:00, shtetasi M. Gj. 56-vjeç, banues në fshatin Domgjon, dyshohet se ka qenë duke prerë dru në fshatin Gjakëz dhe aksidentalisht i ka rënë një dru në kokë. Për shkak të dëmtimeve, shtetasi M. Gj. ka humbur jetën gjatë transportimit në spital.
Grupi hetimor në vendngjarje po kryen veprimet hetimore për zbardhjen e rrethanave të rastit.”, sqaron policia.
