Rrjetet sociale të yllit të Real Madridit, Kylian Mbappe, u hakuan me postime në lidhje me tokenin ‘MBAPPE’ që arriti 90,000 klikime, së bashku me një ngacmim për transferimin e Manchester United dhe një koment mbi rivalitetin Cristiano Ronaldo – Lionel Messi.
Llogaria e Mbappe në rrjetin social “Twitter /X” u hakua brenda natës, duke lëshuar simbolin “MBAPPE” së bashku me disa postime në lidhje me rivalitetin e gjatë të Manchester United dhe Ronaldos me Lionel Messin. Tweet-et që atëherë janë fshirë.
Mbappe shkroi një sërë postimesh në “Twitter” me qendër Manchester United. Fillimisht ai postoi:
“Manchester is Red”, përpara se të fliste për llogarinë famëkeqe të mediave sociale të United @UTDTrey, duke këmbëngulur se ai kishte “llogarinë më të mirë në ft”.
Kishte gjithashtu, një postim në “Twitter” në favor të Cristiano Ronaldos ndaj Lionel Messit, përpara se të fyente tetë herë fituesin e Topit të Artë.
Mbappe postoi: “Cristiano Ronaldo është futbollisti më i madh i të gjitha kohërave. Xhuxhi (Lionel Messi) NUK është dhia ime”.
Lëshimi i tokenit “MBAPPE”, u duk se dominonte mediat sociale dhe vlera e tregut të tokeneve “MBAPPE”, u rrit në dhjetëra miliona brenda pak minutash përpara se të binte me shpejtësi dhe të kthehej në zero.
Çuditërisht, një përdorues pretendoi se kishte blerë 2 SOL (rreth 216 £) dhe e shiti atë në një pikë të lartë për një fitim prej rreth 1,398 SOL (afërsisht 151,500 dollarë).
Llogaria e Mbappe, bëri disa postime shumë të diskutueshme në disa skuadra të Premier League, duke përfshirë Manchester City dhe Tottenham Hotspur.
Megjithatë, të gjitha postimet anonime u fshinë shpejt më pas.
Disa përdorues në rrjetet sociale kanë goditur Mbappe. Përdoruesi KM (@Kylian) postoi: “Aty ku —- është ekipi i tij PR, kjo është e papranueshme”.
