Real Madrid mund të marrë frymë lehtësisht që ia ka dalë të kalojë pushimin e fundit ndërkombëtar të sezonit pa ndonjë problem lëndimi, pasi testet mbi Eduardo Camavinga nuk zbuluan asnjë lëndim serioz të francezit.
Mesfushori u largua nga fusha gjatë fitores 2-1 të Francës ndaj Kilit pasi ndjeu dhimbje në kyçin e këmbës.
Diario AS raporton se pas një skanimi, Camavinga ndrydhi kyçin e këmbës, por nuk bëri ndonjë lëndim serioz, dhe sigurojnë se ai do të jetë i pranishëm në ndeshjen e radhës të Real Madrid kundër Athletic Bilbaos të dielën.
21-vjeçari pësoi një çarje muskulore gjatë ndeshjeve ndërkombëtare të nëntorit që e përjashtoi atë për në fund të vitit 2023, por i ka shpëtuar çdo problemi me këtë rast.
Carlo Ancelotti duket sikur do t’i ketë në dispozicion të gjithë mesfushorët e tij pasi ata shkojnë në një seri vendimtare prej pesë ndeshjesh kundër Bilbaos, Manchester City (vendas), Mallorca, Manchester City, dhe Barcelona.
Natyrisht se ata do të shpresojnë që të arrijnë të fitojnë La Ligan dhe Ligën e Kampionëve në këtë sezon dhe shpresojnë që t’i kenë të gjithë lojtarët e gatshëm deri në fund. /Telegrafi/
