Një ngjarje e rëndë ka ndodhur në Greqi, ku një 19-vjeçar gjeorgjian, ka hyrë në shkollën e mesme të 41-të të Athinës në Kypseli dhe duke tundur një çekiç dhe një thikë në dorë, ka plagosur një nxënës nigerian si dhe drejtorin e shkollës.
Ngjarja ka ndodhur rreth orës 8:30 të mëngjesit. Sipas informacioneve, arsyeja e sulmit ka të bëjë me mosmarrëveshjen që vëllai i sulmuesit ka pasur me studentin nga Nigeria.
Dy fëmijët ishin grindur dhe sot vëllai i madh vendosi të hakmerrej. Ai ka hyrë në shkollë dhe ka rrahur me çekiç nxënësin nigerian, para se të plagosë me thikë drejtorin e shkollës.
Në vendngjarje ka shkuar policia ndërkohë që autori është arrestuar.
