Krystyna Pyszková nga Republika Çeke u kurorëzua Miss Bota në konkursin vezullues të mbajtur në Indi të shtunën mbrëma.
“Të kurorëzohesh Miss World është një ëndërr e realizuar. Jam shumë e nderuar që përfaqësoj vendin tim dhe vlerat e ‘bukurisë me një qëllim’ në një platformë globale”, tha Pyszkova.
Pasi “Miss World” në fuqi, Karoline Bielawska e Polonisë, i kaloi asaj kurorën, Pyszková përshëndeti turmën e madhe në Qendrën e Konventave Botërore Jio dhe përqafoi disa nga konkurrentet e tjera.
Veprimtaria shfaqi sixhadenë e pasur të kulturës, traditave, trashëgimisë, arteve dhe zanateve dhe tekstileve të Indisë për një audiencë masive globale. Pjesëmarrëset veshën funde dhe bluza të qëndisura dhe kërcyen me këngët e njohura të Bollywood-it.
Konkursi i bukurisë u kthye në Indi për herë të parë në 28 vjet. Konkursi i 71-të i bukurisë Miss World u organizua nga regjisori i Bollywood-it Karan Johar dhe Miss World 2013 Megan Young nga Filipinet
