Manchester United dhe Tottenham kanë zhvilluar një ndeshje të bukur, me katër gola, që u mbyll në barazim 2-2.
Ndeshja i takoi javës së 21-të dhe doli të jetë spektakolare, me sulme dhe gola nga të dyja palët.
Djajtë e Kuq kaluan në epërsi që në minutën e tretë, kur Rasmus Hojlund përfitoi nga një tollovi në zonë dhe me një gjuajtje të fortë shënoi për 1-0.
Por në minutën e 19-të u barazuan shifrat, me Richarlison që shënoi për 1-1.
Marcus Rashford ishte në formë të mirë dhe këtë e tregoi në minutën e 40-të kur shënoi për 2-1.
Siç u mbyll pjesa e parë, filloi edhe e dyta me një gol që baraspeshoi shifrat.
Timo Werner asistoi te Rodrigo Bentancur i cili barazoi në 2-2.
Djatë e Kuq tentuan ta kthenin epërsinë me rastet e Scott McTominay dhe Rashford, por nuk ndryshoi asgjë.
Me këtë barazim Manchester United mbeti nën vendin e shtatë me 32 pikë, ndërsa Tottenham ka 40 pikë në vendin e pestë. /Telegrafi/
