Dy persona humbën jetën pas rrëzimit të një avioni njëmotorësh që u rrëzua në zonën detare të Maleme në Kretë.
Ngjarja ndodhi vetëm pak metra larg aeroportit.
Piloti Theodoros Pantos (president i West Attica Aero Club) dhe pasagjeri i tij (emri i tij nuk bëhet i ditur) nuk arritën të dilnin nga avioni pas rrëzimit.
Avioni u gjet i fundosur rreth gjysmë milje detare larg plazhit në kufijtë e Malemes dhe Tavronitis, nga një mjet lundrues privat që mori pjesë në hetime dhe në të cilin ndodhej një oficer i Rojës Bregdetare Greke.
“Ishin të lidhur, nuk kishin bërë asnjë përpjekje për të dalë”
“Ne shkuam dhe pamë avionin. Nuk kishim pajisje zhytjeje me vete. E bëra nxjerrjen me frymëmarrje. Ata ishin të lidhur, nuk kishin bërë asnjë përpjekje për të dalë. Ata kishin mavijosje. Ndoshta kanë humbur vetëdijen apo edhe jetën nga përplasja”, tha rojtari i shpëtimit Pavlos Litinakis, duke përshkruar momentet dramatike që u zhvilluan gjatë operacionit.
⚠️ #AircraftCrash: Today 09/11/2023 late afternoon, BRM Citius Sport, reg. SX-UPP under unknown circumstances crashed at sea ~0.5nm before landing at Maleme airfield. The pilot and a passenger were recovered unconscious & later announced dead due to the severity of the crash. pic.twitter.com/WZfhiCRK78
— landings.gr (@landingsgr) November 9, 2023
Avioni i vogël i Aeroklubit të Athinës Perëndimore ishte nisur nga Kopaida me destinacion Chania dhe nuk dihet pse tentoi të ulej në aeroportin e Malemes në vend të aeroportit të Chania.
Sipas informacioneve kur kanë mbërritur në zonë ka qenë errësirë dhe për të zbritur, piloti ka bërë një kthesë mbi Kolymbarin, duke iu afruar pistës nga ana e detit, por papritur ka zbritur pranë bregut.
Momenti para rrëzimit
Në vendngjarje nxituan shpëtimtarët të cilët u informuan nga kryetari i bashkisë së Platanias, Yiannis Malandrakis, një varkë e rojes bregdetare, një helikopter i marinës, dy anije lundrimi dhe një anije peshkimi.
Fatkeqësisht, shpëtimtarët që iu afruan avionit të vogël nuk mundën të ofrojnë ndihmë, përveç nxjerrjes së dy trupave të cilët u transportuan në portin e Kolymbarit dhe prej andej në Spitalin e Chanias./albeu.com
