Rënia e flokëve në dush ndodh herë pas here dhe të gjithë e dimë se rrallimi i flokëve është një temë prekëse. Flokët kanë ndihmuar të përcaktojmë se kush jemi për pjesën më të madhe të jetës sonë, kështu që humbja e tyre mund të jetë veçanërisht zhgënjyese.
Si shumë gjëra që ndodhin me moshën, mund të duket e pashmangshme, por problemi nuk është plotësisht jashtë kontrollit. Ndërsa faktorë si gjenetika luajnë një rol, ka gjëra që mund të ndryshoni – si dieta juaj, nivelet e stresit, madje edhe mënyra se si laheni – që mund të bëjnë ndryshim.
Rënia e flokëve në dush u ndodh të gjithëve dhe sipas ekspertëve humbja e 50 deri në 100 qimeve gjatë ditës është krejtësisht normale. Por përdorimi i ujit të nxehtë për të larë flokët mund t’i rrisë këto shifra duke dobësuar flokët tuaj dhe duke krijuar më shumë rënie me kalimin e kohës.
Uji i nxehtë mund të dëmtojë proteinat e keratinës në flokë dhe të zhvesh skalpin e kokës nga vajrat natyralë, duke i bërë flokët shumë të thatë dhe të dobët, sipas bestlifeonline.com. Uji i nxehtë hap shtresën e kutikulës së flokëve, duke shkaktuar humbjen e lagështirës dhe brishtësinë. Të gjithë këta faktorë mund të kontribuojnë në rënien e flokëve.
Ju duhet t’i lani flokët me ujë të vakët dhe t’i shpëlani me aq ujë të ftohtë sa të mundeni.
Një dush i nxehtë me avull mund të jetë momenti i relaksimit pas një dite të gjatë. Por sado relaksuese të jetë, kur është koha për të bërë dush dhe për të shpëlarë flokët, është më mirë ta hapni rubinetin në të ftohtë. Uji i ngrohtë ose i vakët është ideal për larjen e flokëve, sepse ky ujë është mjaft i ngrohtë për të ndihmuar në shkrirjen e vajrave natyralë në lëkurën e kokës pa e zhveshur dhe tharë mbi kokën, flokët dhe lëkurën si uji shumë i nxehtë. Gjatë shpëlarjes, është mirë të përdorni ujë më të ftohtë, pasi kjo ndihmon në mbylljen e poreve të kutikulës së flokëve, duke mbajtur lagështinë për të parandaluar thyerjen.
