Autoritetet lokale në Ohio kanë ngritur alarmin se uji i pijshëm mund të infektohet, pas daljes nga shinat të një treni që transportonte kimikate.
Për rrjedhojë ata i bëjnë thirrje qytetërëvë të mos konsumojnë ujë nga çezma, por të blejnë shishe uji në supermarket.
“Si masë paraprake, u thamë njerëzve të mos konsumojnë ujë çezme. Mos e rrezikoni, prisni derisa të marrim rezultatet e testit të ujit”, tha sot për CNN guvernatori Mike DeWine.
Dje, drejtori i Departamentit të Shëndetësisë në Ohio, Bruce Vanderhoff u kërkoi banorëve me puse private të testonin ujin e tyre, duke rekomanduar gjithashtu që banorët e zonës të pinin ujë në shishe për momentin.
Rreth 3,500 peshq kanë të ngordhur, sipas Ministrisë lokale të Burimeve Natyrore.
Bordi Kombëtar i Sigurisë së Transportit i SHBA (NTSB) tha se hetimet për shkakun e daljes së trenit nga shinat po vazhdojnë.
Kujtojmë se treni me kimikate doli nga shinat më 3 shkurt. Qindra banorë u evakuuan nga zona ku u rrëzua treni, për shka të zjarrit që shpërtheu.
Treni transportonte, klorur vinil, një kimikat kancerogjen që përdoret në prodhimin e plastikës./Albeu.com/