NATO dëshiron të shmangë një konfrontim të drejtpërdrejtë me Rusinë, tha kancelari gjerman Olaf Scholz në Davos në përgjigje të një pyetjeje se pse vendi i tij po heziton të furnizojë Ukrainën me tanke gjermane Leopard 2 .
Scholz kujtoi se Gjermania është ndër vendet lider në ofrimin e mbështetjes për Ukrainën dhe siguroi se vendi i tij do të vazhdojë të ofrojë ndihmë.
Në të njëjtën kohë, ai theksoi se vendi i tij “nuk dëshiron hapa të njëanshëm, të gjitha vendimet merren në koordinim me aleatët, veçanërisht Shtetet e Bashkuara”, të cilat “luan një rol të rëndësishëm në këtë çështje”.
“Ne do ta vazhdojmë këtë për aq kohë sa të duhet. Në këtë drejtim, dëshirojmë të theksojmë se ukrainasit mund të mbështeten tek ne. Dhe është e qartë se ne do të dëshironim të shmangnim përshkallëzimin e çështjes në një luftë midis Rusisë dhe NATO-s ”, tha Soltz, duke folur në Forumin Ekonomik Botëror.
Kancelari gjerman iu referua gjithashtu traktatit që i jep fund luftës në Ukrainë, duke thënë se “Rusia tashmë ka dështuar plotësisht në arritjen e qëllimeve të saj imperialiste. Ukraina po mbrohet me guxim mbresëlënës. Rusia duhet të mposhtet për t’i dhënë fund konfliktit në Evropën Lindore”, tha kancelari gjerman./Albeu.com/
