Në fjalimin e tij të përnatshëm, presidenti ukrainas Volodymir Zelensky ka thënë se historia do ta mbajë Rusinë përgjegjëse për rikthimin e luftës në kontinent.
“Dhe ne, ukrainasit, do të vazhdojmë të punojmë për mbrojtjen tonë, fitoren tonë dhe për rivendosjen e drejtësisë. Sot, nesër dhe çdo ditë tjetër që është e nevojshme për të çliruar Ukrainën nga pushtuesit”, tha ndër të tjera Zelensky.
Presidenti përfundoi duke falënderuar të gjithë ata që mbrojnë Ukrainën dhe duke u premtuar atyre se flamuri i tyre do të valojë sërish mbi qytete.
“Flamuri ukrainas do të kthehet. Sepse ky është vendi ynë. Një vend i lirë evropian”, tha ai.
