Inteligjenca ukrainase ka zbuluar se Rusia po planifikon shpyllëzimin masiv të pyjeve të Ukrainës, sipas një letre të ministrit rus të Mbrojtjes Sergei Shoigu “Për mundësinë e shpyllëzimit në tokat mbrojtëse”, drejtuar personalisht presidentit rus Vladimir Putin, një kopje e së cilës është në duart e ukrainasve.
Dokumenti synon të marrë leje për prerjen totale të “pyjeve, pemëve, shkurreve dhe gjelbërimit” ukrainas. Parashikohet prerja e “çdo bime dhe lloji, pavarësisht formës së pronësisë dhe kategorisë së tokës me të drejtë shfrytëzimi të drurit të përftuar”.
Në të njëjtën kohë, në letër thuhet se druri i papërdorur për nevojat e Forcave të Armatosura të RF do të shitet , dhe të ardhurat do të përdoren për të siguruar ushtrinë okupatore. Shoigu i kërkon Putinit që të lejojë pushtuesit që “të kryejnë shpejt një detyrë me rëndësi strategjike”.
