Kryeministrit të Kosovës, Albin Kurti, i ka mbërritur një letër urimi nga kryeministri i Bullgarisë, Rumen Radev, pas formimit të Qeverisë së re dhe nisjes së mandatit të tij të ri, përcjell Bota sot.
Radev i ka përcjellë Kurtit urimet e tij më të përzemërta, ndërsa ka çmuar përkushtimin e tij në forcimin e Kosovës si shtet i pavarur dhe në integrimin e saj në bashkësinë ndërkombëtare.
Të lidhura
None found
Letra nënvizon edhe përkrahjen e qeverisë bullgare për rrugën integruese të Kosovës, duke përfshirë synimin për anëtarësim në Bashkimin Evropian dhe anëtarësimin e plotë në Këshillin e Evropës.
“Ju siguroj për gatishmërinë e qeverisë së drejtuar prej meje për të vazhduar mbështetjen për ofrimin e një perspektive të qartë për anëtarësimin e Republikës së Kosovës në Bashkimin Evropian”, thuhet në mesazhin e Radevit.
Radev e ka përmbyllur letrën me ftesën drejtuar Kurtit për një vizitë zyrtare në Bullgari. Sipas tij, kjo vizitë do të ndihmonte në forcimin e mëtejshëm të raporteve dypalëshe dhe në ngritjen e partneritetit mes dy shteteve në një nivel më të avancuar.
