Gjatë një ekskursioni shkollor në Monte Karlo, drejtoresha e një shkolle të mesme dhe ndihmësdrejtori i saj dyshohet se janë përfshirë në lojëra fati në një kazino, ndërsa nxënësit kanë pritur në hollin e saj. Akuzat u ngritën nga LSDM përmes Jovançe Manaskov, kryetar i Komisionit të Arsimit dhe Shkencës të kësaj partie.
Të lidhura
None found
Sipas Manaskovit, bëhet fjalë për drejtoreshën Žaneta Servini dhe ndihmësdrejtorin Ljupço Zdravkovski nga Qendra Rajonale për Arsim dhe Trajnim Profesional “Gjorgji Naumov” në Manastir.
Ai deklaroi se disponon video dhe fotografi nga ngjarja. Materialet, sipas njoftimit të tij, do të publikohen me fytyrat e nxënësve të mitur të turbulluara, me qëllim ruajtjen e identitetit të tyre.
LSDM i kërkoi Ministres së Arsimit dhe Shkencës, Vesna Janevska, të nisë menjëherë një hetim dhe të përcaktojë nëse ekzistojnë arsye për përgjegjësi apo shkarkim të personave të përmendur.
“Përgjegjësia në arsim nuk është privilegj, por detyrim”, u shpreh Manaskov.
Deri tani, as drejtoresha, as ndihmësdrejtori dhe as Ministria e Arsimit dhe Shkencës nuk kanë bërë një reagim publik lidhur me këto akuza. Pretendimet mbeten për t’u verifikuar dhe konfirmuar nga institucionet kompetente./КarovskiМ/Kanal77/
