Rreth 20 minatorë dalin nga Trepça, ndërsa mbi 40 vijojnë të jenë të bllokuar

Afërsisht 20 minatorë kanë mundur të largohen nga miniera e Trepçës, ndërsa më shumë se 40 të tjerë ende ndodhen të ngujuar në nëntokë.

Numri i përgjithshëm i minatorëve të bllokuar ishte 63, pasi trafoja kryesore e horizontit është përfshirë nga zjarri.

Raportimet e fundit bëjnë të ditur se gjendja shëndetësore e minatorëve paraqitet e mirë.

Ndërkohë, ekipet përgjegjëse po ndërmarrin veprimet e nevojshme për të mundësuar nxjerrjen edhe të minatorëve që kanë mbetur brenda.