JJ Gabriel është kthyer në objektivin e një gare të fortë mes Barcelonës dhe Real Madridit, të cilat synojnë të sigurojnë talentin e Manchester Unitedit, raporton gazetari gjerman Florian Plettenberg.
Të lidhura
None found
Futbollisti anglez do të mbushë 16 vjeç nesër dhe tashmë ka kërkuar zyrtarisht largimin nga “Djajtë e Kuq”, duke shprehur dëshirën për t’u larguar nga klubi.
Një transferim i mundshëm që gjatë afatit kalimtar të janarit po konsiderohet si skenar real. Ndërkohë, Gabriel pritet që në të ardhmen të pajiset me pasaportë qipriote.
Megjithëse drejtori sportiv i Barcelonës, Deco, ka tentuar ta zbehë publikisht interesimin e klubit për të, katalunasit vazhdojnë ta ndjekin nga afër situatën dhe nuk planifikojnë të tërhiqen nga gara.
Të dy klubet spanjolle po përgatisin propozime të rëndësishme për ta bindur Gabrielin, ku parashikohen pagë, bonus nënshkrimi dhe bonuse të tjera.
Interesim për 16-vjeçarin kanë shfaqur edhe Paris Saint-Germaini dhe Bayern Munichu, çka e bën konkurrencën për transferimin e tij edhe më të ashpër.
