Dy vatra zjarri janë shfaqur gjatë mesditës në hyrje dhe në dalje të Peqinit, pranë aksit kombëtar Rrogozhinë-Peqin-Elbasan.
Të ndihmuara nga era, flakët janë përhapur me shpejtësi në zonat me bimësi përgjatë rrugës kombëtare, duke shkaktuar shqetësim te banorët dhe drejtuesit e automjeteve që lëvizin në këtë segment.
Të lidhura
None found
Pamjet e filmuara në terren tregojnë fuqinë e zjarrit. Për të vënë nën kontroll situatën dhe për të shmangur zgjerimin e vatrave, nevojitet ndërhyrje e menjëhershme e forcave zjarrfikëse.
Vatrat e reja janë aktivizuar pas një jave të rëndë për Bashkinë Peqin, ku zjarret kanë dëmtuar ndjeshëm ullishtet, pemëtoret dhe vreshtat. Në disa fshatra të zonës, flakët kanë përfshirë dhjetëra hektarë tokë.
Rikthimi i zjarreve ka rritur shqetësimin e banorëve dhe fermerëve, ndërsa strukturat e emergjencave po ndjekin zhvillimet në terren.
