Gjykata Themelore Penale në Shkup ka vendosur t’i caktojë një masë të re paraburgimi prej 30 ditësh D.J.-së nga Koçani, i cili është i akuzuari i parë në rastin “Pulse”.
Të lidhura
None found
Vendimi u mor pasi gjyqtari i procedurës paraprake shqyrtoi kërkesën e prokurorit publik të Prokurorisë Publike për Ndjekjen e Krimit të Organizuar dhe Korrupsionit. I dyshuari u dëgjua në prani të avokatit të tij mbrojtës, ndërsa u analizuan edhe faktet dhe provat e paraqitura bashkë me kërkesën.
Arsyetimi për caktimin e paraburgimit lidhet me mundësinë e arratisjes dhe dyshimin e bazuar se D.J. mund të pengojë hetimin përmes ndikimit te dëshmitarët.
Masa e re do të nisë të zbatohet më 3 tetor 2026. Aktualisht, D.J. ndodhet në paraburgim për çështjen që ka të bëjë me zjarrin në diskotekën “Pulse”.
Në kuadër të hetimit të ri, ai dyshohet për veprën penale “dhënia e ryshfetit”, të parashikuar në nenin 358, paragrafi 1 të Kodit Penal./Telegrafi/
