Oltjon Muzaka largohet nga Shëndetësia dhe emërohet zv.ministër i Punëve të Brendshme

Këshilli i Ministrave ka vendosur emërimin e Oltjon Muzakës si zëvendësministër i Punëve të Brendshme. Me këtë vendim, ai lirohet nga posti i zëvendësministrit të Shëndetësisë dhe Mirëqenies Sociale.

Në të njëjtën mbledhje, Emiliano Gjika u lirua nga detyra e kryetarit të Agjencisë së Trajtimit të Koncesioneve, ndërsa në këtë pozicion u emërua Ina Zeqaj.