Pas qëndrimit për disa minuta në Sheshin Skënderbej, turma e protestuesve ka vijuar marshimin në drejtim të Kryeministrisë.
Protestuesit, që mbanin flamuj në duar, deklaruan se vendi drejtohet nga një qeveri antikombëtare.
Të lidhura
None found
Gjatë protestës, qytetarët hodhën akuza ndaj pushtetarëve, të cilët sipas tyre kanë ndërtuar dy realitete: një për veten, ku jetojnë në kushte luksi, dhe një tjetër për shqiptarët e zakonshëm, që përballen me vështirësi të mëdha ekonomike.
Në mesin e thirrjeve të protestuesve u dëgjuan edhe “O Erion o legen, prite Ramën se po vjen” dhe “Revolucion”.
Ndërkohë, në pankartat e tyre ishin shkruar mesazhe si “Jep dorëheqjen” dhe “Ju vidhni në spitale, ju vidhni në pensione, ju vidhni pa pikë turpi, pilaf në jetimore”.
