Besnik Tahiri fton qytetarët në protestën e sotme në Prishtinë

Nënkryetari i Aleancës, Besnik Tahiri, u ka bërë apel qytetarëve që të marrin pjesë në protestën e sotme në Prishtinë.

Përmes një njoftimi, ai i ka ftuar qytetarët t’i bashkohen tubimit që do të zhvillohet sonte, duke nisur nga ora 21:00, në sheshin “Skënderbeu”.

Protesta hyn në ditën e shtatë të tubimeve kundër aktgjykimit dënues të Gjykatës Speciale ndaj ish-krerëve të Ushtrisë Çlirimtare të Kosovës (UÇK).