Gjykata nuk mori vendim në seancën e parë paraprake ndaj pesë personave të akuzuar për vdekjen e Egli Progës në Pogradec. Seanca e mbajtur këtë të hënë zgjati rreth 60 minuta, por u ndërpre për shkak të mungesës së avokatit të Leonidha Guçes, një prej të pandehurve.
Çështja pritet të shqyrtohet sërish të hënën e ardhshme. Në atë seancë do të përcaktohet nëse dosja do të dërgohet për gjykim në themel apo do t’i rikthehet Prokurorisë për hetime të mëtejshme.
Të lidhura
None found
Vdekja e Egli Progës në Pogradec ka shkaktuar reagime të forta publike dhe debate mbi mënyrën se si është hetuar ngjarja.
Pas një periudhe prej rreth dy vitesh, Prokuroria ka mbyllur hetimet dhe e ka çuar dosjen për gjykim ndaj pesë personave.
Dy të akuzuar janë nën masën e sigurisë “arrest në shtëpi”, ndërsa tre të tjerët janë të detyruar të paraqiten. Këta të fundit përballen me akuzën e “moskallëzimit të krimit”.
